Ukwenza eminye imisebenzi enjalo njengoba ijutshwa uNgqongqoshe, uMkhandlu Wezimpawu, iKomiti leziMpawu ngokuhambisana nalo Mthetho.
Ngaphezu kwaleli qhaza lalo Mnyango Wezimpawu, lo Mnyango ngohlelo lokusiza umphakathi unesibopho sokukhangisa ngezimpawu zezwe, ukwenza izimpawu zibe ezase-Afrika ngokwenza ucwaningo, nokuvikela iziMpawu zikaZwelonke njengempahla esungulwe uMbuso. Impumelelo yalo Mnyango Wezimpawu iyacaca entuthukweni nasekukhishweni kwezindondo zikaZwelonke; ngeFulegi likaZwelonke elisha, uPhawu lwesiZwe kanye neCulo lesizwe.
Inhloso yokulondoloza nokugcina izigcina-mlandu ukuqinisekisa ukuthi umphakathi uyafinyelela kumarekhodi angaphezulu kweminyaka engamashumi amabili. Iqolobane Ymaggu Kazelonke ivulelwe umphakathi ngoMsombuluko kuya kuLwesihlanu ukusukela ngo-8:00-16:00, nangoMgqibelo wesithathu nyanga zonke kusukela ngo-9:00 - 13:00.
INqolobane Yesizwe isebenza ukuhlwaya; ukulondoloza nokukhuthaza ukusetshenziswa kwamarekhodi omphakathi kanye nalawo angesiwona omphakathi ayigugu elingapheli; ukugcina kusesimweni sohlelo lwamakhompyutha olugcina ulwazi lomlandu namagugu ezwe; ukwakha amazinga okwesekela izinsizakalo zokugcinwa komlando namagugu ezifundazweni. Iqoqo lolwazi ngamagugu nomlando wezwe liyingxenye esemqoka yamagugu esizwe, kanti ayindlela yokusiza uhlelo lokuzazi njengesizwe, yokwakhiwa kwesizwe kanye nokukhushulwa kwezinga lempilo esizweni.
Iqoqo lemibhalo yamagugu nomlando liyindlela esemqoka ohulumeni abangagcina ngayo isibopho sabo kumiphakathi. Ngokuya ngokuya kuphuculwa ukufinyelela komphakathi kulolu lwazi, iya ivela obala imisebenzi kahulumeni. Ngaleyo ndlela-ke, inqolobane yamagugu esizwe iqukethe bonke ubufakazi obubhaliwe baqoshwa obudingekayo ukuvikela izakhamuzi namaqembu.
Ingxenye enkulu yeNqolobane Yamagugu Kazwelonke ayivezi izehlo iningi labantu baseNingizimu Afrika aseke bahlangabezana nazo.
Isib. labo bahlali baseNingizimu Afrika ababekhishwe inyumbazana ubandlululo, abantu besimame, njalo njalo. INqolobane Kazwelonke ingene kumshikashika wokuqoqwa komlando ngokuhamba kukhulunywa nabantu okukholelwa ukuthi banolwazi lwawo ukuze bawuqophe futhi bawulondoloze, ngaleyo ndlela babambe iqhaza lokuhlanganyela ohlelweni lokwakha inkumbulo yabahlali baseNingizimu Afrika abehlukahlukene.
INqolobane Kazwelonke Yamagugu Esizwe, igcina amarejista kazwelonke amarekhodi omphakathi nangesiwona awomphakathi angahle abe yigugu elidinga ukulondolozwa. Ngaphezu kwalokho igqugquzela ubambiswano nokusebenzisana phakathi kwezikhungo eziqoqa futhi zilondoloze amarekhodi angesiwona awomphakathi.
Ngohlelo lokusiza umphakathi, iNqolobane Kazwelonke Yamagugu Nomlando Wesizwe, ihlose ukufinyelela kumalungu omphakathi angazi ngokuba khona kwale nqolobane nemisebenzi yayo. Lolu hlelo lugxile ekwandiseni ukusetshenziswa kwalawa maqoqo "ngokuwayisa kubantu" ngokubavakashela ezikhungweni zemfundo nasemiphakathini yaseNingizimu Afrika nangemibukiso, ngezinsuku zokwazisa kanye nangokusebenza okuseqophelweni.
INqolobane kaZwelonke idala futhi igcine uhlelo lolwazi oluseqophelweni oluzokhuthaza ukufinyelela olwazini ukuhlinzekela izidingo ezehluka hlukene ukuze kwelekelelwe intuthuko yomphakathi wonkana.
UMthetho Wokuqoqwa Nokulondolozwa Okusemthethweni i- Legal Deposit Act uqinisekisa ukuthi okungenani ikhophi eyodwa yomsebenzi ngamunye oshicilelwe eNingizimu Afrika ithunyelwa mahhala kulezo zizinda ezibalulwe uMthetho ezweni lonke jikelele. Ngalo Mthetho, amagugu abhaliwe aseNingizimu Afrika ayalondolozeka futhi atholwe umphakathi lapho uwadinga.
